***
("Hatıralar sokağı"ndan)
***
Sabah olur,günəş doğur üzümə,
Üfüqlərin cizgiləri apaydın.
Xəyalımdan geçən o şey nədir
ki...
Keşgə indi sən yanımda olaydın.
*
Geçənlərin salamını alıram,
Kimi cavan,kimi yaşlı,ixtiyar.
Gözləyirəm,geçə nlərin içində
Bəlkə,bəlkə sən bildiyim o qız
var.
*
İlk dəfəydi görüşürdük səninlə,
Qaldırımlar onda hələ darıydı.
İlk bahardan son bahara gedən
yol,
İşıqları yaşılıydı,sarıy dı.

*
Aramızdan su geçməzdi,o qədər...
Yolun ucu,yolun sonu bizimdi.
Mevsimləri unutmuşduq
başından,
Yazın şehi,qışın donu bizimdi.
*
Divar boyu çil gilaslar şəllənib,
Tumurcuqlar topa topa.Bahardı.
Bir zamanlar əydiyimiz dalları
Martın soyuq rüzgarları qopardı.
*
Nə vaxt bitdi xatirələr dəftəri,
Varaqların bəyaz üzü qalmadı.
Mən geçikdim,sən tez
getdin,tələsdin ,
Yanaqlarda dodaq izi qalmadı.
*
Yaşıl, sarı işıqları sökdülər,
Divarların yazısı da silindi.
Mən gəzincə xəyalların peşində,
Ayıldım ki,adın daha gəlindi.
*
Bir sevda da sona erdi xəbərsiz,
Gizlin getdi,əlvidası olmadı.
Soru qoydun sətirlərin başına,
Ya nöqtəsi,ya nidası olmadı.
*
İndi hər gün o yerlərə gedirəm,
Sanki,məni gözləyənlər var kimi.
Məhəbbətin intizarı gözümdə,
Acıları saçlarımda qar kimi.
*
Geçənlərin salamını alıram,
Biri çavan,biri yaşlı,ixtiyar.. .
Gözləyirəm,geçə nlərin içində,
Bəlkə,bəlkə sən bildiyim o qız
var.
***