1
Yorum
4
Beğeni
5,0
Puan
2645
Okunma
AZƏRBAYCAN, AZƏRBAYCAN
Zaman keçir, biləmmirik yaşını,
Tarixlərdə ağartmısan başını,
Cox sevirəm torpağını, daşını,
Sən də bir can, mən də bir can!
Azərbaycan!, Azərbaycan!
Sinən üstə Araz axır, ağlayır,
O tay, bu tay yollarını bağlayır,
Bir millətin ürəyini dağlayır,
Ora bir yan, bura bir yan!
Azərbaycan!, Azərbaycan!
Zaman, zaman yeridilər üstünə,
Bölmək üçün, dayandılar qəsdinə,
Meydan oldun düşməninə, dostuna.
Torpağına töküldü qan!
Azərbaycan!, Azərbaycan!
Əzbər oldun fatehlərin dilində,
Parçalandın yağıların əlində,
Bir sonu var hər əzablı yolun da,
Boğur səni bu həyacan!
Azərbaycan!, Azərbaycan!
5.0
100% (4)
Hesabınıza giriş yapın ya da yeni üyelik oluşturun.
Cevap Yaz