*******
Vaxtsız sevda,vaxtımıdı r,çıx get
başımdan,
Di,oyatma o yuxulu xatirələri.
Ah,könlüm də bezar olub ahıl
yaşımdan,
Salam vermir,salam almır nə
vaxtdan bəri.

*
O əsmərin ahı tutmuş bəlkə də
məni.
Dəcəl,şıltaq gəncliyimin bir xətası
bu.
Son məktubu yadımdadır.Bir də
səməni...
,,Filankəsdən filankəsə ha , çatası
bu.

*
İlk məhəbbət atəşinə yanan
könlünü
Dan yelinin soyuğunda üşüdən
oldum.
Unutmuram uzaqlara getdiyim
günü,
,,Salamat qal,ey qızcığaz!,, deyən
mən oldum.

*
Sübhün qızıl şəfəqləri
parıldayanda,
,,Ah,əlvida!,, sözü məni yola
salırdı.
Əlqapısı arxamızca cırıldayanda,
O əsmərin gözü məni yola salırdı...

*
Hər il bahar çiçəkləri ətir saçanda,
İnildəyir bircə-bircə qəlbimin simi.
Alır məni o illərə xəyal bir anda-
Gecə vaxtı ötüb keçən qatarlar
kimi.

*
Günahımdan keçsin deyə
yalvarımmı? Ah,
Nə o illər,nə o əsmər qayıtmaz
geri.
O sevdadan nə qaldı ki?Əbədi
günah,
Bir də daşa yazdığım o baş
hərfləri!

***
***