***
( Yaşamaq hər an olmamağın mümkün olduğu anda olmaqdır...)
*
Mənimki yaşamaq deyilki,qardaş,
Gününü yubadıb vaxt sınamaqdır.
Asqırıb yalandan asqıraqların
Təkinə,cütünə baxt sınamaqdır.
*
Həmin o adamam...
Mənəm o adam,
Gecənin boyuna biçilən adam.
Son şüşə bitincə yarı süzülüb
Elə yarı yarı içilən adam.
*
Nə qadın sevgisi,nə dost duyğusu...
Mənimki istəkdi,həvəslər mənim.
Mən gülü sevərəm bülbülə görə,
İçimdə boş qalıb qəfəslər mənim.
*
Bəzən istəyirəm sünbül olmağı,
Yıxır külək məni,dən tutammıram.
Kim tutur dünyada yaxşı öz yerin,
Təkcə öz yerini mən tutmmıram.
*
Mənimki yaşamaq deyilki,qardaş,
Bu ildən o ilə yaş daşımaqdır.
Gecəni yatmayıb kipriklərimlə
Dağından Arana daş daşımaqdır.
*
Bir saç var sarışın...
Xəyalımdadır.
Küsüb,barışmırkı tumar üstündə.
Gündə qədərimlə qumar oynayır,
Gündə tutuluram qumar üstündə.
*
Mənimki yaşamaq deyilki,qardaş...
Çıxacam gedəcəm bulud dalınca.
Deyir oralarda başına qalıb.
Umud yağış yağır...
Umud dalınca.
Mənimki yaşamaq deyilki,qardaş...
***