***
Elə yorğunam ki...
Elə vecsizəm...
Duyğular bürüyüb nə qərib məni.
Sıxır məngənətək sıcaq bir yandan,
Bir yandan bu gecə şoğərib məni.
*
Nə mən duz daşıdım,nə daş,deyim ki,
Mənim yorulmağım daş yorulmağı.
Mənim yorulmağım içimdən gəlir,
Mənim yorulmağım yaş yorulmağı.
*
Gözümü yumuram yollar ayrılır.
Hansı səmtə gedim,hansı yol mənim?
Doktor,sən də burax!
Kömək eləmir,
Nəyimə gərəkdir karvalol mənim.
*
Bir bayquş yamanca xamlayıb məni,
Ulayır hər gecə şəkər eşqinə.
Yükünü daşımır daha mən yabı,
Düşmüşəm dörd dənə təkər eşqinə...
*
Gözümü yumuram,nələr görürəm?!...
Ağ gilas quruyur,dərdi gözümdə.
Namərdi hörmətlə içindən alıb
Aşıb öldürürlər mərdi gözümdə...
*
Mənim gözlərimə yazığım gəlir.
İçində bu qədər xoş arzu qoyub
əbədi qapamaq günahdır onu,
ən gözəl şeylərə tamarzı qoyub.
*
Hörümçək dolaşır içində,sanki,
Çırpınır,vurnuxur...
Tor düyün düşüb.
Mənim yorğunluğum umudsuzluğum,
Mənim umudlarım kor düyün düşüb.
--
Elə yorğunam ki...
***