*****
Öncə toprakdı Vətən.
.
Dədəni gömdüyün,
düşməni yendiyin,
alın qoyub
səcdəsinə endiyin
toprakdı Vətən.
.
Yollarında koşduğun,
dağlarını aşdığın,
ayağına düşdüyün
toprakdı Vətən.
.
Yerin üstü sənindirsə,
yerin təki sənindirsə,
Təbriz,Bakı sənindirsə,
Vətən odur,
odur Vətən!
.
İçimdə bir səs inlədi,
söz oldu satır satır,
misra misra:
.
Təbrizdən gəldim Xalxala,
Gözüm yolda qala qala,
Böylə günə,böylə hala,
Yaman ağlamağım gəlir.
*
Hər dərman dərdə çaramı,
Boş ver,bağlama yaramı,
Sellər apardı Saramı,
Kaman,ağlamağım gəlir.
*
Dünya bütöv,Vətən yarı,
Ömür vəfa etsə,barı,
Yol ver keçim bu dağları,
Duman,ağlamağım gəlir.
*
Üzük tanınar qaşıynan,
Ər oğullar savaşıynan,
Gözümü yumdum yaşıynan,
Güman, ağlamağım gəlir.
*
Quru çinaram,öyməyin,
Qopar budağım,əyməyin,
Dəyməyin mənə,dəyməyin,
Yaman ağlamağım gəlir.
***