***
***
Bir sabah oyanıb görəcəksən ki,
Boş qalıb yanının mən yatan yeri.
Gün üzü gündüzün elə qaralıb,
Buludlar bürüyüb gün batan yeri.
*
Yəqin ki,ağlarsan qırxıma kimi,
Bəlkə də ağlarsan bir ömür boyu.
Gecələr gələrəm yuxularına,
Yuxun bir kiprik,bir çimir boyu.
*
Ayağın kəsilər gəzintilərdən,
Getməzsən düyünə,toya getməzsən.
Əlacın kəsilər, adam üzünə
Gedərsən,saçında boya getməzsən.
*
Divardan asarsan böyük şəklimi,
Üzümə toz qonar,hərdən silərsən.
Sildikcə tökülər yanaqlarımdan,
Ağlaya-ağlaya yerdən silərsən.
*
Məndən danışarsan torunlarına,
Bəzən,ara-sıra yada salarsan.
Birinə adımı qoyarsan mənim,
Eləcə adımla layla çalarsan...
*
Vəsi yüngüllükdür.
Ay qız,ağlama,
Bəlkə yüz yaşadıq səninlə qoşa.
Hələ toy eləyib gəlin gətirib
Şəklini çəkəcəm gəlinlə qoşa.
*
Hələ bezəcəksən mən ixtiyardan,
Hələ çox zəhləni tökəcəm sənin.
Söküb bu evciyi damına kimi,
Təzədən könlüncə tikəcəm sənin.
*
Amma,yenə də...
Bir sabah oyanıb görməsən məni,
Sıxarsan üzünə boş yastığımı.
Qucardın bir zaman geç qayıdanda,
İndi də qucarsan daş yastığımı.
***