*******
Yaşamaq həvəsim qalmayıb belə,
Bu gen dünya mənə yaman dar gəlir.
Köhnə günahımı yumamış,hələ
Qarşıdan nə qədər günahlar gəlir.
*
Qəlbimlə duyuram hakkı,imanı,
Ancak,hakk qapısın aça bilmirəm.
Başımın üstündə allah amanı,
Taleyin əlindən qaça bilmirəm.
*
Azıram gecənin qaranlığında,
Dünyanın dərd yükü kürəyimdədir.
Başım ağrıyardı cavanlığımda,
İndi ağrılarım ürəyimdədir.
*
Daha isinmirəm sevgi oduna,
Başımda saçımın ağı çoxalır.
Sevdalı qızlar da salmır yadına,
Dostlarım azalır,yadlar çoxalır.
*
Daha bu həvəs də o həvəs deyil,
Oyanar yarımçıq,sönər yarımçıq.
Daha bu nəfəs də o nəfəs deyil,
Yoxuşa qalxmamış dönər yarımçıq.
*
Tale verdiyini almışam daha,
Nöyütü qurtarmış çıraq kimiyəm.
Mən özüm özümlə qalmışam daha,
Yüyrükdə oynayan uşaq kimiyəm.
***

köhnə-eski
günah-suç
tale-kader
kürək-sırt
nöyüt-yakıt,petrol
çıraq-lamba
özüm-kendim
yüyrük-bebek için beşik