Mənə yaşamağa haqqı kim verib?

Gedəmmədim babaların yoluyula,
Mənə yaşamağa haqqı kim verib?
Cismimi dərd döydü qarla, doluyla,
Mənə yaşamağa haqqı kim verib?

Bir fərsiz, tullanqı, kor cəhəlmişəm,
Mən ki başdan başa lap əfəlmişəm.
Torpaqları verə-verə gəlmişəm,
Mənə yaşamağa haqqı kim verib?

Danışmadım öz atamın dilində,
Biləmmədim qiymətini elin də,
Aciz qaldım dığaların əlində,
Mənə yaşamağa haqqı kim verib?

Canına qor dolub qaşınan mənəm,
Günahdan yük tutub daşınan mənəm.
Xəcalətdən yer yarılmır gizlənəm,
Mənə yaşamağa haqqı kim verib?

Zamanı saxlama, vaxtı əyləmə,
Ölmək də şərəf döy, ölüb eyləmə.
Oyan aslan kimi, bir də söyləmə –
Mənə yaşamağa haqqı kim verib?

Elbəyi Cəlaloğlu


Dostların dedikleri:

Kendi dilimnensen sene ne diyem
Torpağım dağılmış mende bilirem
Güney Azerbaycan vetenim derem
Mene yaşam hakkı ecep kim verip ?.......Kadir haktan TÜRKELİ