Türkə dəyən dəyənək

Dünyanın ələyində
Zərrə - zərrə ələnək.
Bəzəkli bələyində
Bəh - bəh ilə bələnək.
Türkə dəyən dəyənək
Məgər bizə dəyməyir?

“"Soyqırım" saplanıb da
Soyuq bir xəncər kimi
Arxadan, kürəyində.
O kürək bizim deyil?
Türkə dəyən dəyənək
Məgər bizə dəyməyir?!

Həddi var kələyin də,
Səmti var küləyin də,
Güc, qüvvət biləyində,
Təpər var ürəyində.
Türkə dəyən dəyənək
Məgər bizə dəyməyir?!

Qırılan müsəlmanlar
Ələf, ot - əncər kimi,
Doğranır pencər kimi.
Şəhidə baş əyməyir,
Türkə dəyən dəyənək
Məgər bizə dəyməyir?

Ədl əllərdə alət,
Rəhmsizdi rəzalət,
Hardadı haqq, ədalət,
Fərmanı fələyin də?
Türkə dəyən dəyənək
Məgər bizə dəyməyir?!

Daşnaka dayaq, dirək,
Zira sənsən, sən zirək,
Fikrin nədi, ay firəng?
Riyadan gey lap min rəng,
Türkə dəyən dəyənək
Məgər bizə dəyməyir?
~~~~~~~~~~~~~~~~~~
Hüseyn Aslanoğlu (Faxralı)
26.12.2011-ci il