1
Yorum
0
Beğeni
5,0
Puan
2049
Okunma
Tanı Xocalını, tanı, a dünya!
“Soyqırım, soyqırım” deyib dolaşdın,
Tanı Xocalını, tanı, a dünya!
Yalanı tanıyıb, doğruda çaşdın,
Tanı Xocalını, tanı, a dünya!
Dağıldı ocağım, daşındı közüm,
Yuyldu şəhərim, silindi izim.
Yalançı qərarlar, de, kimə lazım?
Tanı Xocalını, tanı, a dünya!
Dəlil axtarırsan düşüb ellərə,
Hələ qan qoxuyur bu dağ, bu dərə.
Gəl, öz gözünlə bax qanlı çöllərə,
Tanı Xocalını, tanı, a dünya!
Bu insan qatili, bəşər düşməni,
Öldürdü qocanı, vurdu körpəni.
Ürəyin daşdırsa, dan bu səhnəni,
Tanı Xocalını, tanı, a dünya!
Belə əzilməmiş ana cahanda,
Çağası bir yanda, özü bir yanda.
Haqqını vicdannan umar bu an da,
Tanı Xocalını, tanı, a dünya!
Dünən baş veribdi Xocalı qanı,
Bunun nə daldeyi, bunun nə danı.
Bəs sənin dediyin “soyqırım” hanı?
Tanı Xocalını, tanı, a dünya!
Elbəyi Cəlaloğlu
5.0
100% (1)
Şiirin sahibi
Cevap Yaz