***
Yenə gecə,yenə zülmət,yenə mən...
Alammıram gözlərimə yuxunu.
Sən də yoxsan...
Xəyalındı gözümdə.
Qoxlayıram kipriyimlə qoxunu.
*
Gəzdiyim yer biyabanın soyuğu,
Didərginəm sıcağına könlünün.
Mən yetimin bəxti hanı alasan
Bir gecəlik qucağına könlünün...
*
Quşum qondu bildirçinin fəslinə,
Yaz da keçdi...
Quyruq doğdu göyümdə.
Baxışlarım dörd divarla oynayır,
Mən tənhayam,kimsəsizəm öyümdə.
*
Pəncərəmin pərdəsinə ilişir,
Gileylənir ay işığı aynadan.
Bəlkə,sənsən yaprağıma meh əsən,
Bəlkə,sənsən saçlarımı oynadan.
*
Dinşəyirəm ürəyimin səsini,
Səhv edəndə ara-ara dinməyir.
Nə babadı mən yetimə bu ömür,
Saçımdakı bəyazlara dinməyir?...
*
Yenə gecə,yenə zülmət,yenə mən...
Lampalanıb asılmışam özümdən.
Sən gəlmirsən...
İnadına gecənin
Xəyalını soyunuram gözümdən...
***