***
Mən səni sevirdim
Rusiya!
Elə sevirdim ki.
Dədəm Ələmdarın
Yekatrinanı sevdiyi
kimi sevirdim səni.
Bu kafir qızının
xəyalında dolandırdığı
Qarabağ atları misalı.
Genimə yazmışdım
bu sevgini sonralar.
Styopa Razin
Ələmdar dədəmin
damından çizmələrini
çalıb qaçanda
yenə darılmamışdım,
sevmişdim səni.
Bu sevgi böyütmüşdü
boyunu...
Mən səni sevdikcə
şişirdin,yekəlirdin,
səni qucumağa
yetməyəcək qədər.
Əfsanə yaratıqlar kimi.
Bir gün səndən
soyumadım...
Sevdim səni,
Rusiya.
Dəmir barmaqlıqlar
ardından məhbusuna
payok itələyən
türmə nadzorlarını
onun məhbusu
sevən kimi sevdim.
Göyçək Fatmanın
ögey anası,
yetim evlərinin
göbəkli baxıcısı,
İsanın şeyx Nəsrullahı...
Sənə Şeytan deyib
daşlarkən yenə sevdim
səni...
Məcnunun oldum
sən Leylanın.
Çox çilələr çəkdim,
qəmlər yedim,
sürgünlərdə çürüdüm...
Adıma "çornu jop"
dedin,əzizlədin,
başıma pambıq
kollarının arasında
dezodorantlar səpdin
mərgümüşlü,
qıymadın tankların,
təyyarələrin dəmir
soyuğuna,
stroybatlarda kef
çəkdirdin könlümə
xatir...
O üzdən sevdim
səni Rusiya.
Bir gün Dəmir qapıda
bitəcək
bu həsrət,
petrol borularında
axıb gedəcək
göz yaşlarım,
195 ci trenlə dönəcəyəm
ilk görüş yerimizə.
Səni daha çox,
həm də çox sevəcəyəm,
Rusiya!
Bəklə məni!
***
payok(rusca)-məhbus yeməyi
türmə nadzoru-məhbəs bəkçisi,gardiyan
"çyornı jop"(rusca)-"siyah g..t"
Dəmir qapı-Dərbənd