Anla,dünya fırlanır...
Dəyərli ustadımız B.Vahabzadənin
məşhur “Axı dünya fırlanır”əsəri
buyazını mənə yazdırdı.Allah sənə
rəhmət etsin ustad.
( özündən razı harın bir məmura.)
Kürsüdə güclü şirsən,
Pul yıömağı sevirsən
Evində dərdli sirsən,
İnsanlığın korlanır
Anla,dünya fırlanır...

Bu gün sənsən,sabah mən
O kürsüyə az güvən,
Sorğular gələr həmən
Peyvənd cıra calanır,
Anla,dünya fırlanır...

Sürüşkəndi o kürsü
“Göndən”çəkilib üzü,
Onda əyləşib yüzü,
Harınlaşan tullanır
Anla,dünya fırlanır...

“Əkdiyini biçərsən”
Rüşvətli gün seçərsən,
Unutma ki köçərsən
Sonda sorğu gurlanır
Anla,dünya fırlanır...

Mənəmliyin qəsdi çox,
Olmaz acgöz gözlü tox,
Tamah gücdə iman yox
Nıfis gözdən zorlanır
Anla,dünya fırlanır...

Bəsdir,çapdın,taladın
İnsanlığı daladın,
Əl-ayaqlar yaladın
Adın qansız hallanır
Anla,dünya fırlanır...

Düşün beldə palanı,
Səndən sonra qalanı,
Əməlində talanı
“Arxiv”lərə yollanır,
Anla,dünya fırlanır...

Qərar sənin,can sənin,
Ötəri “zaman”sənin,
Düşüncən viran sənin
Əməllərin qorlanır
Anla dünya fırlanır...

Haqqa gəl,haqqa qarış,
Rüşvətlə etmə yarış,
Tövbə et haqla barış
Haqsız varlıq talanır
Anla,dünya fırlanır...

Əbədi tək qüvvə var
Ondadır haqq ixtiyar,
Tutma gəl şeytan azar
Meyvə dəyib sulanır
Anla,dünya fırlanır...

Dedim sözüm anla gəl,
Səhv əməlin danla gəl
Məsumu az yanla gəl
Günah əməl toplanır,
Şahidlərlə qollanır
Anla dünya fırlanır...
2018.