Şiirinizi Yazın
***
Nəfsimi tovlayıb basdım,olmadı,
Şaşdı,qulağından asdım,olmadı,
Heç mənim dünyada dostum olmadı...
Bəlkə də olardı,mən istəmədim.
*
Bir oğlum,bir qızım,yarım-dövlətim,
Namusum,qeyrətim,arım-dövlətim,
Mənim də dam dolu varım,dövlətim
Bəlkə də olardı,mən istəmədim.
*
Hüzurdan xalidir bizım dəngələr,
Beş addım mənzili əyir döngələr,
Düzələr deyirdim yəqin gün gələr,
Bəlkə də olardı,mən istəmədim.
*
Məcnunlar dolaşan düzü hayanda,
Boyu dağ boyumun üzü hayanda,
Eh,ömrün doxsanı,yüzü hayanda...
Bəlkə də olardı,mən istəmədim.
*
Kim atır qoy atsın həya dalına,
Şərəfi göndərib maya dalına,
Olmadı keçməyim qaya dalına,
Bəlkə də olardı,mən istəmədim.
*
Qışda bar verməsə qış ağaclarım,
Boş yuva saxlamaz quş ağaclarım.
Haram yediklərim qusacaqlarım...
Bəlkə də olardı,mən istəmədim.
*
Kim bizi yaratdı,qoy Allah deyək,
Doxsan üstə doqquz say,Allah deyək,
Dünyanı düz eylə,ay Allah,deyək,
Bəlkə də olardı,mən istəmədim.
*