Şimaldan Bakıya bir külək əsdi,
Yıxıb çevirməyə yaman tələsdi.
Neçə günahsızın önünü kəsdi,
Ah-nalə,min fəryad göyə ucaldı,
“O gecə Bakımız yaman qocaldı.”

Barbarlar şəhəri viran etdilər,
Günahsız canları alqan etdilər.
Azadlıq sevgisin talan etdilər,
Amansız cəlladlar neçə can aldı,
“O gecə Bakımız yaman qocaldı.”

Tanklar hər tərəfi əzib keçdilər,
Qadını,uşağı kəsib,biçdilər.
Xalqımın qanını töküb içdilər,
Millətim ortada köməksiz qaldı,
“O gecə Bakımız yaman qocaldı.”

Hər tərəf alışdı,hər tərəf yandı,
Zülm həddi aşdı,ərşə dayandı.
Körpələr şivənə,vaya oyandı,
Bu fəryad cahana səs-səda saldı,
“O gecə Bakımız yaman qocaldı.”

Göylər nalə çəkdi,Yer alovlandı,
Küçələr,səkilər qana bulandı.
Meyitlər üst-üstə çatdı,qalandı,
Sanki Günəş söndü,dünya qaraldı,
“O gecə Bakımız yaman qocaldı.”

Bu dərd yaman oldu bizimçün,yaman,
Belə bir yaranı sağaltmaz zaman.
Fəda,o gecəni unutma,aman,
Demə keçən keçdi,yara sağaldı,
“O gecə Bakımız yaman qocaldı.”

Şimaldan Bakıya bir külək əsdi,
Yıxıb çevirməyə yaman tələsdi.
Neçə günahsızın önünü kəsdi,
Ah-nalə,min fəryad göyə ucaldı,
“O gecə Bakımız yaman qocaldı.”

Barbarlar şəhəri viran etdilər,
Günahsız canları alqan etdilər.
Azadlıq sevgisin talan etdilər,
Amansız cəlladlar neçə can aldı,
“O gecə Bakımız yaman qocaldı.”

Tanklar hər tərəfi əzib keçdilər,
Qadını,uşağı kəsib,biçdilər.
Xalqımın qanını töküb içdilər,
Millətim ortada köməksiz qaldı,
“O gecə Bakımız yaman qocaldı.”

Hər tərəf alışdı,hər tərəf yandı,
Zülm həddi aşdı,ərşə dayandı.
Körpələr şivənə,vaya oyandı,
Bu fəryad cahana səs-səda saldı,
“O gecə Bakımız yaman qocaldı.”

Göylər nalə çəkdi,Yer alovlandı,
Küçələr,səkilər qana bulandı.
Meyitlər üst-üstə çatdı,qalandı,
Sanki Günəş söndü,dünya qaraldı,
“O gecə Bakımız yaman qocaldı.”

Bu dərd yaman oldu bizimçün,yaman,
Belə bir yaranı sağaltmaz zaman.
Fəda,o gecəni unutma,aman,
Demə keçən keçdi,yara sağaldı,
“O gecə Bakımız yaman qocaldı.”