QOCALIRAM DEYƏSƏN

Huşum cəm olmayır, fikrim dağılır,
Yavaş-yavaş qocalıram deyəsən.
Kövrəlirəm hər deyilən sözlərə,
Bala-bala qocalıram deyəsən.

Xatirələr minnət qoyur boynuma,
Atır məni dəryaların qoynuna.
Mat qalmışam mən fələyin oynuna,
Aram-aram qocalıram deyəsən.

Yanan közə dönüb hərdən coşuram,
Dəniz kimi çalxalanıb, daşıram,
Hərdən bir də yaralarımı deşirəm,
Asta-asta qocalıram deyəsən.

Tez-tez düşür yada keçən günlərim,
Bir quş kimi əldən uçan günlərim,
Uzaqlaşıb, məndən qaçan günlərim,
Ahəstəcə qocalıram deyəsən.

Saç ağarıb, diş tökülüb, Əflatun,
Əl titrəyir, diz bükülüb, Əflatun,
Bağ-bağçanda qəm əkilib, Əflatun,
Yana-yana qocalıram deyəsən.
Eflatun Kesheli (eflatun.kesheli)





Eh usta, diyesen mende Qocalıram,
'' ottux yerde ziv gedirem ay lele ''

üreğine saxlık gelemin dayım olsun üstad
çox gözeldi..... Axşamın xeyir

Saç ağarıb, diş tökülüb, Əflatun,
Əl titrəyir, diz bükülüb, Əflatun,
Bağ-bağçanda qəm əkilib, Əflatun,
Yana-yana qocalıram deyəsən.

He valla günden güne Qocalırığ hamımız.Eline sağlık çok beğendim.saygıyla kal.