Baş düşünür, qaş gərilir,
Siyah tellər sim, sərilir,
Sinə bostan, bar dərilir,
Görəsən ürək neynəyir?

Yanaq yanır, yaş sellənir,
Dodaq donur, göz göynəyir,
Dil deyinir, diş çeynəyir,
Görəsən ürək neynəyir?

Baxış baxışa zillənir,
Qəlbə dümdüz, mil millənir,
Damarda saf qan lillənir,
Görəsən ürək neynəyir?

Meh əsir, libas yellənir,
Şana şaddı, şən şellənir,
Ovqat daralır, genlənir,
Görəsən ürək neynəyir?

Bu ürək də bir parça ət,
Onda zülm, onda zillət,
Onda ləyaqət, lətafət,
Axı o ləli neynəyir?

Ürək əsmər, əsən güldü,
Odu sönsə, qalan küldü,
İncə, ipək, nazik tüldü,
Tül olan tüğyan eyləyir.

Ürək var açar, ar üçün,
Ürək var xarab, xar üçün,
Ürək var acı, mar üçün,
Ürək var üsyan eyləyir.

Ürək var naçar nar üçün,
Ürək var qaçar sar üçün,
Ürək var saçar yar üçün,
Hüseyn, bu dəli neynəyir?
~~~~~~~~~~~~~~~~~~~
07.09.2012-ci il


Gardaş çox eyidi şiirin severek okudum
Kelemin daim olsun
Salam