Dünyanın çırpınan ümmanında mən

Bir tənha gəmiyəm,üzmək istərəm

Kiçicik dünyama Adam gölündən

Yığıb inciləri düzmək istərəm



Günün günortası əlıçıraqlı

Bir gözəl gəzirəm sirli,soraqlı

Qəlbını görmürəm üstü boyaqlı

Qəlbının boyasın pozmaq istərəm



Tapmadım Yerlərdə haqq qəfəsdədir

Görmürəm gözümlə könlüm səsdədir

Qəm Kədər ağlayan Ülvi bəstədir

Dərd Karvanı olub azmaq istərəm



Hər yanı axtardım tapa bilmədim

Kədər göz yaşlarım axdı silmədim

Sevdamçün savaşdım başım əymədim

Ürəymin ağrısın yazmaq istərəm



Sərgərdan gəzirəm sarvanım yoxdur

O dilbər sinəmə sancılan oxdur

Eşqim bulaq kimi Məcnundan çoxdur

Dağlarda, daşlarda qazmaq istərəm



Şirin şərbətimi acıyla qatdım

Dərdimi artırdım o Nura çatdım

Özgədə aradım özümdə tapdım

Dünyanı qartaltək süzmək istərəm



İşıq özümdəymiş sevgi gözümdə

İnsanlıq içimdə,kormuş gözum də

İnana bilmirəm Amal özümdə

Ona gedən yolda dözmək istərəm