Ürəyim qubarlı,gözlərim dolu

Dərd ,Kədər həmdəmim,Qüssə qardaşım

Hicran Yağmurunda özlərəm onu

Güney tərəflərdən gəlsə qardaşım



Başımın üstündə qara buludlar

Günəşi- Qaranlıq,qarlıdır bahar

Çicək gül olmadan qönçətək solar

Çəmənə ,baxçaya Həsrət qardaşım



Ey cənub Rüzgarı ,yada sal məni

Bir xəbər müjdələ ya da al məni

Qəlbimi sevindir., süpür sil qəmi

Könlünü verəcək ,sənə ,qardaşım



Göndər gələn mehdən bizə xoş xəbər

Təşnə ürəyimizə sərinlik səpər

Zillətə zülümə olaram sipər

Arxaya köməyə möhtac qardaşım



*Tütk dilində* deyən dilin var olsun

Azadlıq səadət sənə yar olsun

Qarlı Zimistanın gul bahar olsun

Zülümdə inləyən yanan qardaşım



Günü görəmmədən Gunu qanana

Canımı verərəm sənin canına

Eşqin kimi təmiz gül camalına

Var olsun sevgilin yarın.qardaşım