0
Yorum
0
Beğeni
0,0
Puan
987
Okunma
Dünyam mənim
Sinəm simli, simli sazam,
Sazaq qışam, yaşıl yazam,
Yarəb, qoyma yolum azam,
Qarışıq dünyam mənim.
Durnalar qatar - qatar,
Qəlbimdə qəmlər yatar,
Cahıllığa can atar,
Yaralı dünyam mənim.
Mənə nə pul, nə para,
Dünya gözümdə qara,
Mənzil, məkanın hara,
Qaralı dünyam mənim?
Nə dövlətdi, nə vardı,
Naçağınkı nar, qardı,
Dünya başıma dardı,
Darılır dünyam mənim.
Əyrisi var, düzü var,
Neçə sifət, üzü var,
Səngərlinin sözü var,
Düzəlmir dünyam mənim.
~~~~~~~~~~~~~~~~~~~~
