DÜNYA BİZİM OLACAQMI

Dnya bizim olacaqmı?- deyirik,
Olub, daha olmayacaq, a qardaş.
Trixlərdə ərzə- mərzə danışan,
Doğru yoly bulmayacaq, a qardaş.
Dünya bizim olmayacaq, a qardaş.

Dastanlardan, nağıllardan gələnlər,
Həqiqəti bilməyəcək, a qardaş.
Gözləyirik ağ atlının yolunu,
Yalan sözdür gəlməyəcək, a qardaş.
Dünya bizim olmayacaq, a qardaş.

Əvvəlcə bir millət yarat, dil yarat,
Ədalətli divan yarat, əl yarat,
Oğuz babam yaratdığı el yarat,
Yoxsa Türkə qalmayacaq, a qardaş.
Dünya bizim olmayacaq, a qardaş.

Nağıllara inanmayaq, nağıldır,
Söyləyənin dilində bir noğuldur,
Bu dünyanı quran-yıxan ağıldır,
Nağıl dili ölməyəcək, a qardaş.
Dünya bizim olmayacaq, a qardaş.

Çoxlu nağıl danışacaq xalqımız,
Dalaşacaq, barışacaq xalqımız,
Hərdən yenə qarışacaq xalqımız,
Ürəyimiz gülməyəcək, a qardaş.
Dünya bizim olmayacaq, a qardaş.

Nağılların vaxtı çoxdan keçibdir,
Bütün dünya reallığı seçibdir,
Yadellilər qanımızı içibdir,
Tanrı günah silməyəcək, a qardaş.
Dünya bizim olmayacaq, a qardaş.

AyCoculu susma qaldır səsini,
Artır bayramını, azalt yasını
Görsən əgər düz işlərin tərsini,
Yad dərdini bölməyəcək, a qardaş.
Dünya bizim olmayacaq, a qardaş.