0
Yorum
5
Beğeni
5,0
Puan
195
Okunma
Yar aşiqinin müşkülü sevdası qədərdir.
Sevda özü saf duyğunun inşası qədərdir.
Allah sənə bəxş etdiyi sərvətlə öyünmə!
Hər bəndənin üstünlüyü təqvası qədərdir.
Lap Nuh kimi ömrün də uzun min ilə çatsa,
İnsan ömürün müddəti rö’yası qədərdir.
Cahillərin xoşbəxtliyi biganəliyindən,
Aqil adamın qəm yükü dünyası qədərdir.
Mən dərdimə bildim sözü yazdıqca təsəlli,
Şair birinin məlhəmi misrası qədərdir.
Eşq əhlinə dünyada olan ləzzəti sorma,
Ləzzət ona bir ayənin mə’nası qədərdir.
Hər kim sözümə şəkk eləsə rahıma baxsın,
Həq söz Anarın tutduğu məcrası qədərdir.
Muəllif: Anar Əhəd
5.0
100% (2)
