Dörd hərflik adı olan
Bir xalq çıxdı
Qoca tarix səhnəsinə!
Yüzillərlə bir qəzəbli
Qılınc kimi
Dayanmadan
Endi düşmən təpəsinə!
Uzaq Çindən Avropaya
,,Məğlubedilməz" Romaya
Lərzə saldı,
Hərbə fərqli imza atdı.
Yetmiş beş il xərac verdi,
Bac ödədi ona Roma!
Atillanın adı gəlcək
Gizlənərdi sərçə kimi,
Şan-şöhrətli cəngavərlər, sərkərdələr.
Hələ Mete xaqana bax,
Otuz minlik Çin ordusun əsir aldı.
Şaxtalı fevral gecəsi,
Barış üçün yalvarırdı,
İmperator sarayının
Yetkilisi.
Bir atlının keçəcəyi bir yol açdı,
O dağlarda Mete xaqan .
İmperator məğlub idi,
İstəmirdi tökülsün qan.
Zatən donurdu əsgərlər,
Bu durumda aciz idi
Çin ordusu, cin ordusu ....
Yenə də dönək tarixə
Baxaq görək nə eyləmiş
Eftalitlər ,Ağsuvar xan.
Aciz idi Ağ Hunların qarşısında,
Sasanilər, təxti-İran.
O məkrli Bizans belə
Sıxılırdı, çəkinirdi Ağ Hunlardan.
Gündən-günə böyüdürdü dövlətini,
Xan Toraman!
Gedək bir az da geriyə
Varaqlayaq tarixləri .
Kim ilk dəfə məğlub etdi ərəbləri
Bələncərdə...
Yenə açaq varaqları
Qədim tarix kitabından.
Səlcuqların yürüşlərin
Çağrı bəyin, Toğrul bəyin sücaətin
yenə keçirək nəzərdən
Savaşlarda açılırdı yeni meydan,
1043 də dönüş oldu Dəndənəkan!
28 ildən sonra şanlı tarix yazan insan-
Malazgirtdə zəfər çalan Qızıl Arslan!
Məğlubiyyət acısını daddı Bizans!
Daha sonra
Fateh Mehmet fəth elədi İstanbulu.
Bir zəfərlə bitdi Bizans !
Saymaqla bura sığışmaz
Türk tarixi, türk zəfəri,
Ölümü şərəf sayardı türk əsgəri.
Biz yazırıq yazacağıq,
İmzamızı əmin,əmin,
1918 də demokratik dövlət qurdu
Rəsulzadə Məmməd Əmin
Həm Türk, həm Şərq tarixində!
Biz dühalar yetirmişik
Yetiririk, qoca zaman, sən bilirsən,
Türk at belində doğulub,
Silah əlində sıxılıb
Düşmənlərin başlarına.
Mənə bir millət göstərin
Cəsur Türkün bənzərinə, oxşarına!

Fərid Muradzadə
04.10.2018