2
Yorum
4
Beğeni
5,0
Puan
515
Okunma
Biri sənə qiymət qoyub bəyənsə,
Sən hörməti atma, allahın olsun.
Yaxşıyla yamanı düzgün arala,
Eyni gözdə tutma, allahın olsun.
El içində bəlli hərənin adı,
Bərabər eyləmə qohumu, yadı.
Hər şeyin özünün öz tamı-dadı,
Yağı şora qatma, allahın olsun.
Uyma hər deyilən sözlərə, ayıl,
Arada Haqqı gör, haq yola əyil.
Qaranı qaraya tutmaqla deyil,
Odu oda çatma, allahın olsun.
Şeytana dost olan canından keçib,
Alovdan özünə yaman don biçib.
Qurana əl basıb, möhkəm and içib,
Gəl günaha batma, allahın olsun.
Yəqin oxşatmısan məni birinə,
Daha hər söz ilə getmə dərinə.
Bəzəyib yalanı doğru yerinə,
Əflatuna satma, allahın olsun.
5.0
100% (4)
Hesabınıza giriş yapın ya da yeni üyelik oluşturun.
Cevap Yaz
