Əl telefonu.
Bir xəta eyləmişəm,almışam əl telefonu,
Bezdirib mesajlarla şeytan əməl telefonu.
Yatdığın yerdə çalır,yuxudan sərsəm durursan,
Baxırsan pullu mesaj gəlib,özündən sorursan,
Balam bu telefondur yoxsa qumar,zəng vurursan,
Mədəni qumarbazdır qumar,təməl telefonu,
Bir xəta eyləmişəm,almışam əl telefonu,
Bezdirib mesajlarla şeytan əməl telefonu.
Gahda ki mesaj gəlir nəyi satıb,ya alırlar,
Ya da ki dəbdə olan musiqidən zəng çalırlar,
Pul yığmaq şərti ilə bizləri xərcə salırlar,
Reklamla göz oxşayan pullu gözəl telefonu,
Bir xəta eyləmişəm,almışam əl telefonu,
Bezdirib mesajlarla şeytan əməl telefonu.

Hərdən zəng eyləyəndə çatmayır zəngin də deyir,
Saniyə puldu bala,əsəbə səngin də deyir,
Danışsan pul gedəcək,boşaltma əngin də deyir,
İnsana qənim çıxıb axır,əzəl telefonu,
Bir xəta eyləmişəm almışam əl telefonu,
Bezdirib mesajlarla şeytan əməl telefonu.

Dələduz,fırıldağın dəsdəyidir,həm səsidir,
Çatıram,ya yoldayam gələn yalan nəfəsidir,
Guya məşğuldur deyir,”işbazların” həvəsidir
Düzəldir xeyiri üçün işbaz,əfəl telefonu,
Bir xəta eyləmişəm almışam əl telefonu,
Bezdirib mesajlarla şeytan əməl telefonu.

Səsimi qoy eşitsin icad edən telefonu,
Qurğunu elə qursun dələduzun olsun sonu,
Yarasın xeyir işə,oynamasın fal oyunu,
Haqq ilə insanlığa olsun xoş gəl telefonu,
Bir xəta eyləmişəm,almışam əl telefonu,
Bezdirib mesajlarla şeytan əməl telefonu...
15.10.2014.