1
Yorum
0
Beğeni
5,0
Puan
1072
Okunma
Allahı çağır
Göyün üzü qara qançır, qarabağır,
Qəfildən də qılınc kimi şimşək çaxır,
Qapqaraca qana dönür, qana, bağır,
Ağır gündə yada sal, Allahı çağır!
Yumru - yumru dolu tökür, dalınca da
Yerə - yurda yağış yağır, ağır – ağır
Yarğan uçur, torpaq çökür, fağır - fağır,
Ağır anda yada sal, Allahı çağır!
Nərildəyir sellər - sular, axır, axır,
Arxasınca zülmət çökür, Günəş yaxır,
Uzaqlarda ulduz axır, Ay da baxır,
Axşam çağı Allah de, Allahı çağır!
Duz-çörəyi, naz-neməti kəsəndə də,
Başın üstən qara yellər əsəndə də,
Üz çevirib baxtın səndən küsəndə də
Bismillah de, bir olan Allahı çağır!
Ay Hüseyin, aldanma dünya malına,
Dəymişini dəyişmə, dəyməz kalına,
Haqqı qananın xoş gününə, halına,
Haram yemə, halal ol, Allahı çağır!
~~~~~~~~~~~~~~~~~~~~~~~~~~~
14.09.2012-ci il
5.0
100% (1)
Cevap Yaz