Haralıyam sorma, harayıma bax,
Sən könül mülkümə, sarayıma bax,
Ağrıma, acıma, ah – vayıma bax,
Mahalım Borçalı, elim Faxralı!

Ay dədə, dərd çəkir, qəm də çəkirəm,
Göydə göy buluddan nəm də çəkirəm,
Eynəkli gözümlə gözmü çəkirəm,
Mahalım Borçalı, elim Faxralı!

Həsrət, hicran nədi, çəkənlər bilər,
Torpağın qədrini əkənlər bilər,
Yolunda səyriyib, səkənlər bilər,
Mahalım Borçalı, elim Faxralı!

Urusun silahı, topu, tüfəngi,
Tükənməz iştahı, cəbri, cəfəngi,
İnşallah, gün gələr, əzilər əngi,
Mahalım Borçalı, elim Faxralı!

Türk deyəndə türlü-türlü halım var,
Yağımız çox, yaramız çox, zalım var,
Rüstəm kimi pəhləvanım – Zalım var,
Mahalım Borçalı, elim Faxralı!

Tavar sazım saz dinəndə saz ollam,
Yaşıl yarpağ, yaylağ ollam, yaz ollam,
İşvələnər, cilvələnər, naz ollam,
Mahalım Borçalı, elim Faxralı!

Aramızda Başkeçidin yaylağı,
Mərd igidlər, qəhrəmanlar oylağı,
Suyu zəmzəm, durna gözlü bulağı,
Mahalım Borçalı, elim Faxralı!

Ustadlara xətir – hörmət, izzətim,
Yolum nurlu, xoş amalım, niyyətim,
Xilaf desəm başdan aşar xiffətim,
Mahalım Borçalı, elim Faxralı!

Bir Nəbim var, şairlərin şahıdı,
Bir elim var, ovçular ogahıdı,
Bir dilim var, “Dilqəmi”nin ahıdı,
Mahalım Borçalı, elim Faxralı!
~~~~~~~~~~~~~~~~~~~~~~~~~~
Hüseyn Aslanoğlu (Faxralı)
18.07.2012-ci il


huseyn huseynov (huseyn




Çok gözeldi şiirirn hüseyin gardaş
Kalemin daim olsun
sevdim şiirirni
Selam olsun obana eline