İrəvan Çuxuru

Çal ay aşıq, çal “İrəvan Çuxuru”,
Çal, çalxala dağı, daşı, çuxuru,
Çağlar çayı, qum, çınqılı, süxuru,
Göyçə Gölü görən indi dumduru?
***
Çal ay aşıq, çal “İrəvan Çuxuru”,
Babam yapan oba, oymağ, odada,
Yatan torpağ, yerdə, yurdda, yuvada
Baxaq görək kimlər qalı, kim duru?
***
Çal ay aşıq, çal “İrəvan Çuxuru”,
Bu hava həmən havamı, hal məni,
O yerlərdən sürgün etdi lal məni,
Din-imansız, yersiz-yurdsuz erməni?
***
Çal ay aşıq, çal “İrəvan Çuxuru”,
Yurddaşlarım uyuybdu, yuxulu,
Bu havanın iyi, qoxu qorxulu,
Ulu babam, sən ulusan, o ulu?
***
Çal ay aşıq, çal “İrəvan Çuxuru”,
Tarix mənə bir bambaşqa söz deyir,
Səbrin olsun, bir balaca döz deyir,
O yerlərə dönüşüm var, düz deyir?
***
Çal ay aşıq, çal “İrəvan Çuxuru”,
Qoy eşitsin oba məni, el məni,
Aç qulağın çulu çırığ erməni
Çəkmiş, çəkir, çəkəcəkdi yer məni!
***
Çal ay aşıq, çal “İrəvan Çuxuru”,
İrəvan çuxuru oldu Yerevan,
Gözəl Göyçəm hardan oldu vazgen Van?
Qudurmuşlar qan qusacaq, vallah qan!
***
Çal ay aşıq, çal “İrəvan Çuxuru”,
Hayastandı hal – hazırda hay tutan,
Çala – çuxur, çökəkliklər dolsun qan,
Ustad Şenlik çağır gəlsin Çıldırdan!
***
Çal ay aşıq, çal “İrəvan Çuxuru”,
O şahiddir, o yerləri dolanmış,
Axan sular, buz bulaxlar bulanmış,
Gözəl Göyçəm qızıl qanla sulanmış!
***
Çal ay aşıq, çal “İrəvan Çuxuru”,
Çal, çalxala dağı, daşı, çuxuru,
Soysuzların çatıb sonu, axırı,
Araz axsın, kim yaş çıxar, kim quru!
~~~~~~~~~~~~~~~~~~~~~~~~~~~
05.02.2011-ci il