MƏNƏ YÜZ İL ÖMÜR VERİN

Mənə yüz il ömür verin.
Tarixləri adlayaraq,
Bu zamandan çıxa bilim.
Yazılmamış bir tarixdən,
Arxamıza baxa bilim.

Mənə yüz il ömür verin.
Saxtalaşmış tarixləri,
Doğrusuna yaza bilim.
Tarixdəki böhtanların
Hamısını poza bilim.

Mənə yüz il ömür verin.
Beynimizə yeridilən
Xurafatdan, qaça bilim.
Bağlı qalmış cox sirləri,
Çözələyib aça bilim.

Mənə yüz il ömür verin.
Qarşımızda sipər olan,
Əngəlləri keçə bilim.
Çox fəlsəfi təlimləri,
Bir-birindən seçə bilim.

Mənə yüz il ömür verin.
Birləşdirib Türk xalqını,
Tilsimləri qıra bilim.
Düşmənlərin qarşısında,
Qeyrət ilə dura bilim.


Mənə yüz il ömür verin.
Türkə yeni təlim verib,
Ətrafa nur saça bilim.
Mən də elmin hünəriylə,
Aya, Marsa uça bilim.

Mənə yüz il ömür verin.
Turan adlı bir dövləti,
Yaradaraq qura bilim.
Ümidlərlə, arzularla,
Ömrü başa vura bilim.