ürəyinizdə günəş olsun ...buradakı yer adları hamısı bizim kəndə(köyə) aid olan yer adlarıdır. bizim Haqqıxlı kəndinin tarıxi 1815--1820 illərə gedib çıxır....bir haqsızlıq səbəbindən mənim ulu babam(dədəm) bizim kəndin əsasını qoymuş və ətrafına haqq axtaran adamlar toplanmış.... onlara Haqqıxlılar demişlər (haqq axtaranlar).indi bu gündə ona qarşı bəzən haqsızlıqlar olur. bu səbəbdən bu şeri yazdım...

Ay ellər, obalar ,varmı sizlərdə?

Kəkilli,Pırğalam,Göyəmlik,Xudum?

Div yurd,Çatmaxanlı,Noylu bulaqlı

Qırmızı,Sarbulaq,Tesqaraf--- yurdum



Həsrətlə özlədim ,mən o yerləri

Dərəyurd ,Fındıqlı --babam elləri

Sərin meh Gav üstdə oxşar telləri

Əmrahın Xalxalı ,Bulağı ---yurdum



Ortalıq qılıcdan Dəlı dağa dək

Dəhnə ,Dəyirmandan Poylu yala çək

Sirli Qız qalası ,Danarğan ,Küçək

Ələkbər zağası ,Karvangah-- yurdum



O tay Gülsənəmin buz tək suyundan

Məntəş qalasından,Gəlin uçandan

Torqullan ,Anbardan, Keçəl uçandan

Ormanlar,qayalar ,bulaqlar-- yurdum



Bağköşəndə bağı,Fındıqlı damı

Dəlıdağ yaylağı, Şinkarı,Şamı

Dikdaş ,Qalın bulaq,oldum heyranı

Arxacı,Bulağı, Pırğalam --yurdum



Donbadaş, Cələsi, Güney pəyəsi

Bozbulaq, Göy dərvənt, Kərəm cələsi

Sayufsul soraqlı,Kənd bünövrəsi

Haqqı axtarandır, HAQQIXLI-- yurdum



Məmməddir el salıb ağsaqqal olan

Qohum ,qardaşların, kəndə toplayan

Sarı Usuf oğlu Məmməddir qoyan

Kəndin təməl daşı,,pərdisi ---yurdum