Gör corabın məshi girib kimlərə.
İş böyüyüb söz çatıb alimlərə.
Həpsi düşüb məchula, tilsimlərə.
Bizdəki axmaq da baxar himlərə,
Saqqalı əqlindən uzun zay gədə,
Bığları qıntır qoyuna tay gədə.

Üz-gözünün bənzəri var parnikə.
Şalvarı dartsan dönəcək şortikə.
Sözləri var "əl corabeyn" "ittikə"
Tanri verənnən almayıb bir tikə,
Saqqalı əqlindən uzun zay gədə.
Bığları qıntır qoyuna tay gədə.

Güya ki cumhur üləma bəhs edib.
Bəhs eliyən varsa özün nəhs edib.
Hər nə edib islam üçün tərs edib.
Mövzu gəlib bizdə nöşün əks edib?
Saqqalı əqlindən uzun zay gədə!
Bığları qıntır qoyuna tay gədə.

Sizdən olan görməmişəm normalın.
Nöç dəyişir zahiri görkəm halın?
Şiə kimi kantlı çıxır saqqalın.
Bəlkə deyib çatdırasan icmalın,
Saqqalı əqindən uzun zay gədə!
Bığları qıntır qoyuna tay gədə.

Müəllif: Anar Əhəd