- Kim hədis düşmənidir Haqq onu peşman etsin!
- Kim ağıl sahibidir haqqına iman etsin!

- Mənsiz iman eliyən kəsləri şeytan etsin!
- Səni şeytan eliyib, şeytanı yeksan etsin!

- Mənə şeytan deyənin ömrünü zindan etsin!
- Yeni Yusiflər üçün zindanı xəndan etsin!

- Səni biçarə qoyub gözləri giryan etsin!
- Süzülən qətrələrə lütfünü ehsan etsin!

- Səni rüsvayi-cahan, dillərə dastan etsin!
- Mən Ona təslim olan, hökmünə fərman etsin!

- Səni kim xəlq eliyib bizlərə duşman etsin?
- Məni Xaliq yaradıb hər şeyə səhman etsin!

- Bizə səhman eliyən kəs gələcək qan etsin!
- Qorx ki, səndən yapışıb qanuva qəltan etsin!

- Səni Allah gecə əzrailə mehman etsin!
- Ölümündən qaçanın qəbrini ümman etsin!

Bir ovuc torpağa həsrət qoysun.
Gələcək ümmətə ibrət qoysun.
Ama kim Xaliqə zalimlik edir,
Qəbrini viran günə millət qoysun.

Müəllif: Anar Əhəd