HƏR ŞEY SƏNİNLƏ GÖZƏL
***
O qədər yaxınsan ki,aldığım nəfəs kimi,
Müqəddəs sandım eşqi haqdan gələn səs kimi,
Nə olar,sanma məni nəfsani həvəs kimi,
Hərcayilər çəksə də gündə min yönə səni,
Sevəcəyəm hər zaman sevgilim,yenə səni.
**
Mənim nurlu günəşim,dan yerim,sabahımsan,
Qəlbimdəki muradım,dilimdəki ahımsan,
Ayın on dördü kimi,gülümsəyən mahımsan,
Sevdam gətirəcəkdir imana,dinə səni,
Sevəcəyəm hər zaman sevgilim,yenə səni.
**
Hər şey səninlə gözəl,sənsən mənim baş tacım,
İsticə nəfəsinə,gözlərinə möhtacam,
Şən-şaqraq gülüşünlə gedər könlümdən acım,
Söylə,necə unudar bu can,bu ürək səni,
Sevəcəyəm hər zaman sevgilim,yenə səni.
**
Sənsiz mənası yoxdur mənə gözəl həyatın,
Sən olmasan fələk də hər an oynadar atın,
Xəyanınla gəzərəm göyün o yeddi qatın,
Uca Rəbbim göndərib bilərək mənə səni,
Sevəcəyəm hər zaman sevgilim,yenə səni.
**
Gözlərinə baxarkən eşqim,ruhum durulur,
Sənə vurulan könlüm yenə sənə vurulur,
Bu könül sarayımda sənə büsat qurulur,
Necə inandırım ki,sediyim buna səni?
Sevəcəyəm hər zaman sevgilim,yenə səni.