Papiros.(Siqara)

Gəncliyin səhvliyidir qəlbimə ziyan papiros,
Qurubdur ciyərimdə ölümcül divan papiros.

Sümürüb tüstüsünü ciyərimə alan zaman,
Öskürək boğdu məni sanki qopdu güclü tufan,
Mənə bu dərs olmadı,vərdişimdi dərdlə qalan,
Guya dərdə əlacdır,qusdurur hey qan papiros,
Gəncliyin səhvliyidir qəlbimə ziyan papiros,
Qurubdur ciyərimdə ölümcül divan papiros.

Yerişim,duruşumu sahmanlayıb gəzəmmirəm,
Nəfəsim çox daralır,ondan əlim üzəmmirəm,
Pis adət çox dərd verir,bu vərdişi kəsəmmirəm,
Eyləyib nikotinə bax məni qurban papiros,
Gəncliyin səhvliyidir qəlbimə ziyan papiros,
Qurubdur ciyərimdə ölümcül divan papiros.

Uşaq da yaxın gəlmir,pis qoxursan işdə deyir,
Xəstəlik həm törədir ağız boşluq,dişdə deyir,
Gəncliyə yaraşmayır,bu cılız vərdiş də deyir,
Vərəmi törədəndir bu tüstü duman papiros,
Gəncliyin səhvliyidir qəlbimə ziyan papiros,
Qurubdur ciyərimdə ölümcül divan papiros.

Söyləyirlər ki guya əsəbə dərman sayılır,
Gənclərin damağında gəncliyə heyran sayılır,
Gələcək sağlamlığı eyləyən viran sayılır,
Qurudur nəfəsləri qarışıq saman papiros,
Gəncliyin səhvliyidir qəlbimə ziyan papiros,
Qurubdur ciyərimdə ölümcül ziyan papiros.

Buna vərdiş edəni əcəl-mayallaq yıxacaq,
İnsanın orqanların məhv edib sona çıxacaq,
Ağ ölüm söylənilən bizi yandırıb yaxacaq,
Reklamla şirnikdirib qəsd edir yaman papiros,
Gəncliyin səhvliyidir qəlbimə ziyan papiros,
Qurubdur ciyərimdə ölümcül divan papiros...
15.10.2014.
Papiros—Siqara