5
Yorum
3
Beğeni
5,0
Puan
1016
Okunma
Eylə barı...
Həsrətə salmamışdan, gəl məni yad eylə barı,
Dərdimə məlhəm olub, eşqimi ad eylə barı.
Ruhumu oxşa mənim, yalnız sənin aşiqinəm,
Yetim qalmış eşqimi sevindir, şad eylə barı.
Sən mənim varlığımın ayrılmaz sevgi canısan,
Cana candan bağlanıb eşqim azad eylə barı.
Sənə vurğun olalı itirmişəm öz-özümü,
Qaytar özüm özümə, mənə imdad eylə barı.
Tənha qoyma, tənhalıq aşiqin tam məhvi demək,
Bir vuraq ömrü başa, eşqim abad eylə barı.
Bayramın qəlbi təmiz, eşqi tükənməz onu bil,
Özün öz aşiqinə xoşbəxt həyat eylə barı.
16.09.2014
5.0
100% (3)
Cevap Yaz