ElNURƏ AĞAZADƏ_Matəm edir bu gün sizə
Yaraşmayır ağı sizə,
Necə deyim layla sizə?
Gözdən axan yaşım belə,
Qəm ağlayır qəminizə
Matəm edir bu gün sizə
***
Gözünüzlə nələr gördüz?
Odlu alova büründüz
O dəhşətə necə dözdüz,
Bu dünyanın özü belə,
Matəm edir bu gün sizə
***
Günahınız nəydi sizin?
Necə qıydı sizə fələk
Qəlbinizdə neçə dilək?
Xeyri yazan hər bir mələk
Matəm edir bu gün sizə
***
Yanğın sizi qurban aldı,
Oyuncağın, arzun yandı
Ana deyən dilin yandı
Fərəh ,Ayan yerdə-göydə
Matəm edir bu gün sizə
***
Bu yazıydı bəxtinizə,
Xatirəniz qaldı bizə
Ağuşunda torpaq belə
Qan ağlayır isminizə
Matəm edir bu gün sizə
***
Elnurəyəm bir şairəm,
Necə yazım şeir sizə
Sözlər misrada belə
,Rəhmət deyir hər birnizə
Matəm edir bu gün sizə.