***
("Yazıram dünyanı dəyişmək
üçün" şeirlərindən)
***
Mövsümləri yazdım tək tək,
Yazı yazdım ayaz oldu.
İlk baharın yaşıl rəngi
Sətirlərdə bəyaz oldu.
*
Fələk dedim,yoldaş oldum,
Anlatdı nə başa saldı.
Bahar umdum mövsümlərdən,
Güzarımı qışa saldı.
*
İçim,dışım,barm aqlarım
Qışın buzu,sırsırası.
Xəzan yazdım kövrələndə,
Qanadı gönlüm yarası.
*
Bulud yazdım,yağmur küsdü,
Haçalandı fikirlərim.
Döngələrin dumanında
Yada düşdü şükürlərim.
*
Söz aldım torpaqdan,daşda n,
Verəni alana qatdım.
Nəfəsimi rüzgarlara,
Başımı yalana qatdım.
*
Neçin böylə şaşırmışdım,
Kef dalınca qəm gəlirdi.
Ayaqlarım yorğanıma
Sətirlərdə kəm gəlirdi.
*
Göz açınca yarınlara
Umutlarım yarğılandı.
Məzar dedim bu dünyaya,
Enim boyum qarğılandı.
*
Bədəsilə kahbe dedim,
Xanadan xallarım düşdü.
Qol qoymadım hizmətinə
Fəratda qollarım düşdü.
*
Ora bura daşımaqdan
Sözümün canı üzüldü.
Halal himmet kəlmələrim
Tək tək qursuna düzüldü.
*
QAPI AÇDIM UMUTLARA...
*
Qapı açdım umutlara
Geçənləri sayamadım.
Dostlar vardı,göçdü getdi...
Göçənləri sayamadım.
*
Çalxalandı beynim başım,
Fikrim boğanağa düşdü.
Örkənimin həmən ucu
Yenə doğanağa düşdü.
*
Sevgi yazdım,mürəkkəb ə
Gözümün yaşı qarışdı.
Umulara, küsülərə
Qələmin başi qarışdı.
*
Eşqi duyan dodaqlarım
Bəm yerinə zil oxudu.
Gəzdim Məcnun səhrasını
Ayaqlarım dil oxudu.
*
Şərbət bildim,şüşəsind ə
Çaxırlandı yazılarım.
Oxunmadı,dəftər lərdə
Paxırlandı yazılarım.
*
Vergülünə ağız büzüb
Nöqtəsinə tüpürdülər.
Əzik üzük kağızları
Çöpə atıb süpürdülər.
...
(davamı)
***